Programazioaren barruan, 2015 eta 2021 urteen artean jaiotako haurrentzako udalekuak antolatu dira, ikastolan garatuko direnak. Gainera, 3 eta 4 urteko haurrentzat Udaleku txiki zerbitzua egongo da Kilkerra ludotekan, Meatzari plazan.
Kirol arloan, Uda gaztea ekimenak surf ikastaroak eskainiko ditu uztaileko lehen bi asteetan. Horrez gain, kirol anitzeko campus bat ere antolatu da ekainaren 29tik uztailaren 10era bitartean, kiroldegian bertan.
Interesdunek ekainaren 5era arteko epea dute izena emateko. Prozesua online bideratu beharko da udalaren webguneen bidez, surf ikastaroen kasuan izan ezik, horiek Gaztegunean kudeatu beharko baitira.
