Loiuko aireportuan istilu larriak izan dira gaur arratsaldean, 'Global Sumud Flotilla' ko kideak iritsi direnean. Gertakarien ondorioz, lau pertsona atxilotu dituzte desobedientzia larria, erresistentzia eta agintariari atentatu leporatuta.

Flotillaren iritsiera ez zen aurretiaz Ertzaintzari komunikatu, eta Rugbyko finaletako zaleen joan-etorriekin bat egin du. Kontzentratutako pertsona batzuen jarrerak aireportuko irteera-gunetik zihoazen pertsonen zirkulazio normala oztopatu du, eta Ertzaintzako agenteekin enfrentamenduak izan dituzte. Agenteek beren bastoiak erabiltzera eta bertaratutakoek erresistentzia egitera behartu zituen egoerak.

Gertatutakoaren harira, Ertzaintzaren Asuntos Internos buruzagitza berehala hasi da ikerketa bat egiten, agenteen jarduera indarrean dauden argibideekin bat ote datorren egiaztatzeko. Gainera, Segurtasun Sailak poliziaren jardueraren eta gertatutakoaren berri eman dio Euskal Poliziaren Kontrol eta Gardentasun Batzordeari.

Segurtasun sailburuak, Bingen Zupiriak, agerraldi urgenterako eskatu du Eusko Legebiltzarreko Erakunde, Herri Kontrol eta Segurtasun Batzordearen aurrean, beharrezko azalpenak emateko. Zupiriak datorren asteartean egitea eskatu du, batzordea beste gai batzuk lantzeko deituta dagoen egunean.

Bingen Zupiriak eta sailaren arduradunek gertatutakoa deitoratu dute eta erantzuna emateko konpromisoa hartu dute: "ahalik eta lasterren argituko ditugu gertatutako istiluak eta sor daitezkeen erantzukizunak" adierazi du sailburuak.

Bestalde, polizia-eginbideak amaituta, atxilotutako hiru pertsona aske geratu dira, eta beharrezkoa denean agintari judizialaren aurrean agertu beharko dute.