Heidelberg Materials enpresak informazio-saio publikoa eskainiko du datorren irailaren 9an, asteazkena, Arrigorriaga ko Edurne Garitazelaia Kultur Etxean, 18:30ean. Bertan, Arrigorriagako lantegian garatu nahi duten deskarbonizazio eta ekonomia zirkularreko proiektu estrategikoa azalduko diete herritarrei.
Saioan, proiektuak Arrigorriagako Hiri Antolamenduko Plan Orokorrean (HAPO) eskatzen duen aldaketa ere landuko da. Aldaketa horiek helburu nagusi bi dituzte: CO2 harrapatzeko eta kudeatzeko instalazio berriak bideratzeko lurzoru eta ekipamendu-sistema orokorrak sortzea, eta azpiestazio elektriko berria eta zerbitzu-azpiegitura zehatzak ahalbidetzea. Horretarako, inguruneko bideak egokitu eta sarbideak antolatu beharko lirateke, inguruko baserri nahiz ermitetara joateko bide berriak bermatuz.
Udalak jakinarazi duenez, bilera irekia izango da eta bertaratzen direnek proiektuaren ezaugarri teknikoak zein ingurumen-helburuak ezagutzeko eta zalantzak argitzeko aukera izango dute.
Bestalde, Arrigorriaga n Ollargango jaiak ospatuko dira irailaren 6ra arte. Jai Batzordeak eta Udalak hainbat ekitaldi prestatu dituzte, hala nola kanta-jokoak, txarangak, haurrentzako jolasak, mozorro lehiaketa, herri afaria eta Leticia Sabaterren zuzeneko ikuskizuna. Egitaraua ostegunetik igandera luzatuko da, musika, gastronomia eta dantza ekitaldiekin.
Gainera, Arrigorriagako Udal euskaltegia k eta Berbalagun programak matrikulazio epea zabaldu dute irailaren 22ra arte. Aurten euskaltegiaren 40. urteurrena dela eta, irailaren 10era arte izena ematen dutenentzat 50 euroko deskontua eskainiko da. Euskaltegiak A1etik C1 mailara arteko ikastaroak eskaintzen ditu, talde bereziak jubilatuentzat eta gazteentzat, eta langabetuentzat doakoak izango dira ikastaroak.
Kiroldegian, irailaren 1ean hasi dira lehen udal-ikastaroak, hala nola Body Cycle, helduen gimnasia, zumba fit, pilates eta kaloriak erretzeko saioak. Aqua Gym, GAP eta Yoga ikastaroak urrian hasiko dira, eta izen-emateak irailaren 10era arte egongo dira zabalik abonatuentzat, eta hilaren 21era arte gainerakoentzat.
Azkenik, Arrigorriagako kirolariak entzat, Arrigokorrika k ikasturte berrian korrika egiteko saioak antolatu ditu irailaren 15etik aurrera. Taldeak entrenamendu egokituak, laguntasuna eta giro ona eskaintzen ditu, bai emakumezko zein gizonezko korrikalarientzat.
Bestalde, Arrigorriaga ko Lonbo auzo an, suhiltzaileek sastraka batzuetan sortutako sute bat itzali dute arratsaldean. Basauriko suhiltzaileen parkeko bi ibilgailu bertaratu ziren eta udaltzainek ere parte hartu zuten jarduketan.
