Galdakaoko jaiak amaiera ofiziala izan dute. Kuadrillen arteko XXIV. Txapelketaren sari banaketaren ostean, Ardanza parkean elkartu ziren jaietako protagonistak kuadrillen maskotak erretzera. Ekitaldi honekin eman zaio amaiera aurtengo ospakizunei, eta datorren urtera arteko itxaron beharko da berriro ere giro hau bizitzeko.
Aurten ere, Antzeko kuadrillak eskuratu du txapelketako lehen postua, bigarren urtez jarraian. Atzetik heldu zaizkio DBKTU eta Güsak, hurrenez hurren.
Txapelketako sailkapeneko lehen hamarrak honako hauek izan dira: Antzeko, DBKTU, Güsak, Dekantzekoz, Ah bittu!, Firu, Tolmotxetas, Antropayak, Bertan kaldo eta Trikiriki.
Jaietako beste une aipagarri batzuk ere izan dira, hala nola herri bazkaria Kurtzeko plazan eta Gandasegiko arkupeetan, giro bikaina izan zelarik. Era berean, 'Aura lehia' ekimenak ere izan du bere lekua, eta hainbat kuadrillek parte hartu zuten. Gainera, hainbat kuadrillen maskoten desioak ezagutu ziren, eta azkenik, 'Kulero eta galtzontzilo lasterketa' izan zen jaietako beste ekitaldi dibertigarri bat.
