Bilbon hasi da FIVASCO ren (Euskadiko Federazio Islamikoa) V. Biltzarra, "Gizartea eta erlijioa" lelopean. Ekitaldi honetan, hainbat administrazio eta erlijiotako ordezkariak bildu dira, besteak beste, Nerea Melgosa Ongizate, Gazteria eta Erretiro Erronka sailburua, Iñigo Zubizarreta Bilboko Udaleko Giza Eskubide eta Bizikidetza zinegotzia, Aziz Messaoudi FIVASCOko presidentea, Maixabel Albizu Ellacuria Fundazioko zuzendaria eta Kerman López Bizkaiko Elizbarrutiko bikario nagusia.

Aziz Messaoudi k azpimarratu duenez, "Erlijioaz hitz egitea ez da soilik fedeaz hitz egitea, baita gizarteaz eta gure erantzukizun partekatuetaz ere. FIVASCOtik topaketaren eta gizarte kohesionatuago baten aldeko konpromisoaren alde egiten dugu. Entzute aktiboak zubiak eraikitzea ahalbidetuko duen espazio bat ireki nahi dugu, hesien ordez".

Nerea Melgosa sailburuak nabarmendu du "euskal administrazioen eta islamiar komunitatearen arteko elkarrizketa etengabea izan da eta da. Entzute eta parte hartze harreman horren emaitza gisa, euskal islamiar komunitatearen beharrak antzemateko eta Euskadin erlijio aniztasuna bermatzeko konpromisoetan aurrera egitea lortu dugu. FIVASCOri eskerrak eman nahi dizkiot integrazioaren eta bizikidetzaren alde egindako lanagatik, diskriminazioaren aurkako borrokan aliatu zarete. Bakearen aldeko "bai" esateko unea da".

Maixabel Albizu ren hitzetan, elkarrizketa erlijiosoak gakoa da " bizi dugun Euskadi eraikitzeko". Gaineratu du elkarrizketa hori eta batzeko nahia "dei bat direla jarduerara eta errealitate bat direla gizartearen eraikuntzan posizionatzeko". "Bizitzari sakontasuna ematea ezinbesteko alternatiba da indarkeria mugimenduak saihesteko, horregatik da hain garrantzitsua elkarrizketa", azaldu du Albizu k.