Euskotrenek zerbitzu berezia indartuko du Bilboko Aste Nagusian, abuztuaren 22tik 30era bitartean, tren, metro (L3) eta tranbia zerbitzu zabala eskainiz, egun zein gauez. Trenbide- eta metro-zerbitzua indartu egingo da, bi noranzkoetan, E1 Matiko/Bilbo-Deba, E3 Kukullaga/Etxebarri-Lezama, E4 Matiko/Bilbo-Bermeo eta L3 metroa Bilbon (Matiko/Bilbo-Kukullaga/Etxebarri) lineetan.
Bilboko tranbiaren kasuan, gaueko zerbitzu berezia eskainiko da, ohiko zerbitzua osatzeko. Hala ere, tranbia-zerbitzua aldatu ahal izango dute jai-egitarauko jarduera batzuek, baldin eta mozketa zehatzak behar badituzte. Horrela, hainbat zerbitzu kenduko dira Atxuri-Pio Baroja tartean.
Zehazki, abuztuaren 22tik 30era bitartean, 17:13tik hurrengo eguneko 8:58ra arte, Atxuri eta Pio Baroja arteko zerbitzua kenduko da, bi noranzkoetan. Halaber, abuztuaren 22an, larunbata, Athletic Club – Sevilla FC futbol partida dela eta, zerbitzua etengo da Euskalduna eta La Casilla tartean, 16:25etik 17:10era eta 18:35etik 19:25era bitartean. Gainera, Boluetatik Pio Barojara doan azken irteera 16:07an izango da, eta Pio Barojatik Atxurirako azken irteera 15:58an.
Bestalde, abuztuaren 23tik 30erako arratsaldeetan, Boluetatik Pio Barojara doan azken irteera 17:07an izango da, eta Pio Barojatik Atxurirantz doan azken irteera 16:58an. Era berean, abuztuaren 22tik 29rako gauetan, tranbia zerbitzua etetea su artifizialetan zehar izango da, 22:27tik 22:57ra, gutxi gorabehera.
Euskotrenek abuztuaren 22tik 30era bitarteko astean trenbidez, metroz edo tranbiaz ibiliko diren pertsonei ordutegiak aldez aurretik kontsultatzeko gomendatzen die, bai APP ofizialean, bai www.euskotren.eus webgunearen bilatzailean.
