Ibiltur 2025 txostenak agerian utzi du Euskadiko turismo-sektoreak aldaketa garrantzitsuak bizi dituela. Bisitarien batez besteko gastua 626 eurora igo da, aurreko urteko 612 euroen aldean, eta jatorrian egindako gastuak ere gora egin du. Datu horiek sektorearen kalitatearen eta bisitarien gogobetetze maila altuaren isla dira.
Estrategia instituzionalaren ardatz nagusietako bat, turismoaren desestazionalizazioa, errealitate bihurtu da. Lehen aldiz, denboraldi baxuko bisitari kopuruak oporraldi nagusietakoak gainditu ditu, guztizkoaren %51 ordezkatuz. Hori 2019ko datuekin alderatuta sei puntu gehiago da, eta Eusko Jaurlaritzaren helburuak betetzen ari direla erakusten du.
“"Turistek Euskadi kalitate handiko helmugatzat jotzen dute, eta gure eskaintza anitzak, gastronomia ardatz hartuta, bisitariak erakartzen jarraitzen du."
Nazioarteko turismoaren pisua ere nabarmen handitu da, gaur egun bisitarien %48 baino gehiago direlarik. Bisitari horiek 'multiaaktibo' gisa definitzen dira, hiriko ondarea, natura eta gastronomia uztartzen dituztenak. Pintxoen marka propioa eta Euskadiko sukaldaritza-kalitatea funtsezko elementuak dira helmuga gisa bereizteko.
