Euskadiko Orkestra k bere 2025-2026 denboraldi sinfonikoaren hurrengo programa eskainiko du, Rakhmaninov / Bartok izenburupean. Kontzertu hauek ohiko lau hiriburuetan izango dira: Donostiako Kursaal Auditoriumean apirilaren 9an eta 10ean, Gasteizko Jesus Guridi Kontserbatorioan apirilaren 13an, Iruñeko Baluarte Auditoriumean apirilaren 14an, eta Bilboko Euskalduna Jauregian apirilaren 15ean. Sarrerak salgai daude, Gasteizko kontzerturako izan ezik, euskadikoorkestra.eus webgunean eta auditoriumetako leihatila eta webguneetan, 10 eurotik aurrera.
Programa honen ardatz nagusia Nikolai Lugansky pianista errusiarraren parte-hartzea da, Sergei Rakhmaninov en Pianorako 3. Kontzertua interpretatzeko. Luganskyk eta Rakhmaninov ek nazioartean txalotutako binomioa osatzen dute, eta pianista errusiarraren laugarren bisita izango da Euskadiko Orkestra rekin. Rakhmaninov ek 1909an konposatu zuen obra hau, bere birtuosismoa erakusteko asmoz, eta pianorako errepertorioko zailenetako bat bezala ezagutzen da.
Kontzertuaren lehen zatian, Rakhmaninov en aurreko belaunaldiko maisu Anatoli Liadov en Laku sorgindua poema sinfonikoaren inpresionismoa entzun ahal izango da. Bigarren zatian, berriz, Bela Bartok en Orkestrarako Kontzertua interpretatuko du Euskadiko Orkestra k. Bartok ek 1943an konposatu zuen obra hau AEBetan, eta Serge Koussevitzkyk azken mende laurdenean idatzitako lanik onena bezala deskribatu zuen.
Programa berri hau Juraj Valcuhak eslovakiarrak zuzenduko du, Houstongo Sinfonikoaren eta Tokioko Yomiuri Symphony Orchestra ren zuzendari titularra dena. Hau izango da Valcuhak Euskadira egingo duen hirugarren bisita. Kontzertu guztiak 19:30ean hasiko dira.
