Udaberriarekin batera, Etxebarri ko Udalak berriro martxan jarri du La Presa ko aisialdi-gunean erreserbak egiteko sistema. Neurri hau larunbat honetatik urriaren 25era arte egongo da indarrean.
Zerbitzu honek, mahaiak eta barbakoak erabiltzeko aukera eskaintzen duenak, astelehenetik ostiralera erabilera librea izango du. Hala ere, jende gehien biltzen den egunetan, hau da, asteburuetan eta jaiegunetan, interesdunek 20 euroko fidantza bat utzi beharko dute La Presa ko tabernan, goizeko bederatzietatik hamaiketara. Fidantza hori itzuli egingo da lekua uztean, bideo baten bidez egiaztatu ondoren gunea behar bezala jasota eta egoera onean dagoela.
“"Etxebarritarrek lehentasuna izango dute. Gainera, mahaiak eta barbakoak iritsiera-ordenaren arabera esleituko dira."
Era berean, Udalak adierazi du
“"gas-sukalde eramangarrietan sukaldatzea baimenduta egongo da"
eta gogorarazi du, erabiltzaile guztien segurtasunagatik,
“"debekatuta dagoela barbakoetan ez den beste edozein motatako sua piztea"
Halaber, zehaztu dute, bertaratutako guztien giro ona sustatzeko, ez dela baimenduko bolumen altuko musika-ekipoak erabiltzea.
