Bilboko Arte Ederren Museoa berriz zabaldu ditu ateak, eraldaketa sakon baten ostean. Esku-hartze berriak 6.000 metro koadro berri txertatzen ditu eraikin multzoan, eta hainbat mendez eraikitako hiru eraikin uztartzen ditu. Inaugurazio ekitaldian izan ziren Imanol Pradales Lehendakaria, museoko zuzendari Miguel Zugaza eta arkitekto Norman Foster, beste agintari eta ordezkari batzuekin batera.
Pradales Lehendakariak nabarmendu duenez, "ezinegon handiko garai hauetan, arteak galdera egokiak egiteko laguntzea behar dugu inoiz baino gehiago. Bizi dugun bide zail honetan lagun gaitzala. Euskal erakundeek ez dugu beste aldera begiratuko. Gure betebeharra da gure erantzukizuna hartzea eta aurrerapausoa ematea. Egunero egiten dugu, baita horrelako proiektu eraldatzaileak bultzatzen ditugunean ere". Halaber, Norman Foster-en eta museoaren obretan parte hartu duten pertsona guztien lana goraipatu du.
“"En estos tiempos de incertidumbre necesitamos más que nunca que el arte nos ayude a hacernos las preguntas adecuadas. Que nos acompañe en este complicado camino que nos está tocando vivir."
Museoa hiru eraikinek osatzen dute orain, hiriko historiaren hainbat unetan eraikiak. Lehenengoa, Gonzalo Cárdenas eta Fernando Urrutia-k diseinatua, 1945ean ireki zen. Bigarrena, Álvaro Líbano eta Ricardo Beasco-ren lana, 1970ean gehitu zen eta Espainian arte garaikidea hartzeko bereziki eraikitako lehen eraikina izan zen. 2001ean, Luis María Uriarte-k multzoa eraberritu eta irisgarritasuna hobetu zuen.
Orain, 2026ko arkitektura berriak multzo hau osatzen du eta etapa berri bat irekitzen du Bilbo eta Euskadi-ko kultura gune garrantzitsuenetako batentzat.
