Segurtasun Sailak jakinarazi duenez, gertakariak asteazkeneko 3:00ak aldera izan dira, obra egoeran dagoen eta andamioa duen etxebizitza bloke batean. Etxebizitzako bizilagun batek Ertzaintzari deitu zion, goizaldean lanerako arropa jantzita zuen gizon bat etxebizitzaren barruko patioan ikusteak ezustean harrapatuta.

Gertaera lekura hainbat Ertzaintza baliabide bertaratu dira. Bertan, tresnekin zegoen supermerkatu-orga bat aurkitu dute andamioen ondoan. Agenteek jakin ahal izan dutenez, 32 urteko eta jatorri magrebtarreko gizona, etxebizitzaren barruan harrapatu eta ihes egin ondoren, eraikinaren patioan aurkitu dute.

Eraikinean egindako ikuskapenean egiaztatu ahal izan da kontserjearen gunea nahastuta zegoela eta obrako materiala eta tresnak gordetzen ziren gela indarrez irekita eta hutsik zegoela. Ertzainetako batek andamioaren bidez seigarren solairura igo eta balkoi batean ezkutatuta aurkitu du egintza horien egilea.

Atxilotuari komunitateko bizilagunen giltza sorta bat aurkitu diote. Egitate horien aurrean, indarra erabiliz lapurtzea eta etxebizitzan sartzea delituak egotzita atxilotu egin dute. Atxilotua polizia-etxera eraman dute, epailearen esku uzteko.