Bilboko Udala eta Gurutze Gorria elkartu dira larrialdi egoeren aurrean herritarren prebentzioa eta prestakuntza sustatzeko helburu duen ekimen solidarioan. Aurten, bildutako dirua lehen sorospenetan herritarrak prestatzera eta familiek beren etxeetan larrialdi-kit bat izatea sustatzera bideratuko da.
Jardunaldiak prestakuntza eta sentsibilizazio jarduerak eskaintzen ditu, hala nola, birsorkuntza kardiopulmonar (RCP) erakustaldiak, bizi-seinaleak hartzea eta larrialdi-egoeretarako prestatzeari lotutako ekintzak.
Ekitaldi solidarioa Bilboko Udaletxearen sarreran dagoen Ernesto Erkoreka plazan izan da gaur. Bertan izan dira Josu Perón, Gurutze Gorria Bizkaia ko presidentea, Juan Mari Aburto, Bilboko Alkatea, udal korporazioko kideak eta erakunde humanitarioaren boluntarioak.
Gurutze Gorriak urtero bultzatzen dituen proiektu humanitario eta sozialek kolektibo zaurgarrienen bizi-kalitatea hobetzen laguntzen dute. Aurten, ekimenak prebentzio-kultura bultzatu nahi du eta herritarrei tresnak eta ezagutzak eskaini, egoera ezustekoak modu seguruagoan eta eraginkorragoan aurre egiteko. Gainera, etxe bakoitzean larrialdi-kit bat eskuragarri eta eguneratuta izatea gomendatzen da.
Gaurko jardunaldia erakunde humanitarioaren ekintza enblematikoenetako bat da, 100 urte baino gehiagoko historia duena. Bilbon egindako topaketak ia 400 boluntarioren eta hiriko 16 puntutan banatutako 500 hucha-ren laguntza izan du.
