Bi erakundeek berretsi dute euskal enpresa sarea indartzeko, industriaren, ikerketaren, osasun sistemaren eta erakundeen arteko lotura bultzatzeko eta sektorearen eraldaketa bizkortuko duten ekimenak sustatzeko konpromisoa. Lehen urteko lankidetzan, ezagutza trukea eta elkarrizketa sustatu dituzte ekimen bateratuak bultzatuz.
Boehringer Ingelheimek Basque Health Clusterrek bultzatutako topaketetan parte hartu du, sektorearen erronka eta aukera nagusien inguruan ezagutza espazioak sortzen lagunduz. Gainera, berrikuntza irekiko ekintzetan eta euskal bioosasun ekosistemako enpresekiko konexioan inplikatu da.
Akordio berri honek jarduera agenda bati jarraipena emateko aukera emango du, topaketa estrategikoak, ezagutza jardunaldiak eta lankidetza aukera berriak sortzera bideratutako ekintzak antolatuz.
Aliantza hau Euskadiko osasun sektorearentzat garrantzitsua da, sektoreak urtean 9.400 milioi eurotik gorako fakturazioa baitu, 62.000 enplegu baino gehiago sortzen ditu eta 415 erakundek baino gehiagok osatzen dute.
Boehringer Ingelheim-eko Merkaturako Sarbideko eta Osasun Kudeaketako zuzendari Guillem Bruch-ek azpimarratu duenez, "Osasun-ekosistemako eragile guztiekin lankidetzan eta elkarlanean aritzeak inspiratzen gaitu, horiek eraldatzeko bidean elkarrekin ibiltzeko". Euskal Herrian etorkizun hau eraikitzen jarraitzeko apustua nabarmendu du.
Bestalde, Basque Health Clusterreko zuzendari Idoia Muñoz ek adierazi du Boehringer Ingelheim bezalako konpainiak izateak balio bikoitza duela: "osasun sistemaren erronka handien inguruan lankidetza eta elkarrizketa espazioak sortzeko aukera ematen digu, eta konpainia horiek euskal ekosistemara hurbiltzen eta Euskadin dagoen berrikuntza gaitasuna bertatik bertara erakusten laguntzen digu".
Euskadik osasunaren eta biozientzien arloko berrikuntzaren Europako polo nagusietako bat izaten jarraitzen du, eta lankidetza honek ekosistemak pertsonen osasunean eragina duten soluzio berritzaileak garatzeko duen gaitasuna indartzen du.
