Udalak adierazi duenez, ekimen honen helburua bide-segurtasunerako arriskua sortzen duten jokabideak zuzentzea da. Ikerketek erakutsi dute gidatzean arreta galtzea, batez ere telefono mugikorra erabiltzeagatik, istripuen kausa nagusietako bat dela.
“"Egiaztatu da pertsona batek gidatzen duen bitartean mugikorrez hitz egiten duenean seinale eta trafiko-adierazpenen %40 identifikatzeari uzten diola, batez besteko abiadura %12 jaisten dela eta erreakzio-ahalmena murrizten dela ezusteko edozein gertakariren aurrean."
Arrisku hori ez da soilik mugikorrez hitz egitean zentratzen, baita deiak egiaztatzean, mezuak irakurtzean edo bidaltzean, aplikazioak erabiltzean eta antzekoetan ere. Entzungailuak gidatzen ari zaren bitartean erabiltzeak ere antzeko arriskua dakar.
Trafiko-istripuen ikerketetan oinarrituta, gidatzean distrakzioen garrantzia eta telefono mugikorraren erabilera nabarmendu dira, azken hau jokabide gaitzesgarrienetako bat izanik.
