Ekimen honek diseinuaren arloko profesionalen eta beste sektore batzuetako erakundeen arteko elkarlana sustatzen du, diseinua "berrikuntzaren, lehiakortasunaren eta enpresa-hobekuntzaren palanka" gisa balioesteko asmoz. Programa Bilbo eta Detroit (AEB) hirien artean garatuko da, Design Core Detroit erakundearekin elkarlanean, eta hiru eta sei hilabete arteko iraupena izango du.
Bi hiriak UNESCO ren Hiri Sortzaileen Sareko kide dira, eta truke eta lankidetza programaren baitan sortu da ekimen hau, zeharkako lan-eredu batean oinarrituta. Metodologia truke batean datza: AEB ko hiri horretako diseinu-profesional batek Bilbo ko enpresa bati lagunduko dio, diseinu-metodologien bidez enpresak planteatutako erronka bat ebazten. Aldi berean, Bilbo ko diseinatzaile bat Detroit era joango da antzeko prozesu batean parte hartzeko.
Dueto deialdia Euskadi n egoitza soziala edo lan-zentroa duten ETEei zuzenduta dago, eta diseinuaren bidez jorratu daitekeen erronka edo premia zehatz bat dutenei. Hautagaitzak astelehen honetatik maiatzaren 12 ra arte aurkez daitezke. Orduan, enpresa bat hautatuko da, eta honek ez ditu ordaindu beharko Detroit eko diseinatzailearen jardueratik eratorritako gastuak.
Ondoren, bigarren deialdi bat egingo da, AEB ko enpresak planteatutako erronka ebazteko egokiena den profesionala hautatzeko. Bilboko Udala k enpresei dei egiten die beren hautagaitzak aurkez ditzaten, programa honek "aukera paregabea" baita diseinu estrategikoa prozesuetan txertatzeko, nazioarteko talentura iristeko eta "proiekzio globala" duen sare sortzaile baten parte izateko.
Horrela, Udal ak Bilbo ren irudia diseinuarekin lotutako hiri gisa indartu nahi du, espezializazio adimendunaren esparruan "gorabidean dagoen eta lehentasunezko" sektore gisa.
