Emanaldi berezi hau Richard Balcombe zuzendariak gidatuko du, eta musika jaialdiaren 20. urteurreneko ospakizunen parte da. Antolatzaileek jakinarazi dutenez, 80 musikari baino gehiagok jaialditik igaro diren artista eta taldeen 15 abesti baino gehiagori emango diete bizitasuna, Kobetamendin entzun diren ereserkiak klabe sinfonikoan berrinterpretatuz.
Bilbao Orkestra Sinfonikoak hari, haize eta perkusio instrumentuen bidez eraldatuko ditu abestiak, jaialdiaren energia orkestraren hizkuntzara egokituz. Ekimen honek jaialdiaren ibilbideari eta artisten, publikoaren eta hiriaren arteko lotura emozionalari omenaldia egiten dio, musika sinfonikoa publiko berrietara hurbiltzeko gonbidapen gisa.
Jaialdiaren ibilbideari eta artistei, publikoari eta hiria lotzen dituen konexio emozionalari egindako omenaldia da, baita musika sinfonikoa publiko berrietara hurbiltzeko gonbidapena ere.
Kontzertuan entzungo diren abestien artean, besteak beste, 'Just Like Heaven' (The Cure), 'Enjoy the Silence' (Depeche Mode), 'Wake Up' (Arcade Fire), 'La Perla' (Rosalia), 'Last Nite' (The Strokes), 'Sweet Child O' Mine' (Guns N' Roses), 'Roxanne' (The Police), 'Common People' (Pulp) eta 'Viva La Vida' (Coldplay) daude.
Proiektuak BBK ren, Bizkaiko Foru Aldundiko Euskara, Kultura eta Kirol Sailaren, Kutxabanken eta San Miguelen laguntza du. Sarrerek 18 eta 30 euro arteko prezioa dute eta jaialdiaren webgunean eskuragarri daude.
