Basauriko Ludoteketan izena emateko epea zabalik egongo da irailaren 4tik 22ra bitartean. Zerbitzua urriaren 1etik maiatzaren 28ra bitartean izango da martxan, euskaraz, astelehenetik ostegunera, 17:00etatik 18:30era. Aurten, nobedade gisa, 7 eta 10 urte bitarteko haurrentzako talde berri bat sortu da Basozelai Gizarte Etxean, eta Gabonetako ludoteka bereziaren ordutegia luzatuko dute 09:00etatik 13:30era.
Bestalde, Kareagako jaiak irailaren 4tik 6ra izango dira. Jaien barruan, Kukurrustu Kirol Klubak Txantxangorri Haur Krosa antolatuko du irailaren 6an. Lasterketa 10:30ean hasiko da eta sei kategoria izango ditu. Izena emateko epea irailaren 3ra arte egongo da zabalik kirolprobak.com webgunean, eta doakoa izango da.
Irailaren 12an, nazioartean saritutako ‘Santa Zeta’ film basauriarra estreinatuko dute Social Antzokian. ManodeSanto ekoiztetxeak ekoitzitako film hau hilaren 18ra arte proiektatuko da egunero, 7 euroko sarrerarekin.
Halaber, Arizko Dorretxeak José Enrique Urrutia Capeau artistaren pinturen erakusketa hartuko du irailaren 1etik 11ra bitartean. Bertan, artistaren azken sei urteetako tamaina erdi eta handiko obrak ikusi ahal izango dira, naturak eta abstrakzioak garrantzi nabarmena dutelarik.
San Migeleko jaiak irailaren 26tik urriaren 4ra bitartean ospatuko dira. Mikelats Kultur Elkarteak kontzertu ugari antolatu ditu, besteak beste, Skabidean, Los Zopilotes Txirriaos, Akerbeltz, Ska-P tributua eta Las Divas del Pop (Amaral, Mecano eta La Oreja de Van Gogh tributua).
