Basaurik Euskal Herriko Dantza Agerketaren 54. edizioa ospatuko du asteburuan. Ekitaldiak ostiralean hasiko dira, irailaren 18an, Solobarriako karpan tailerrak, txorizo dastaketa sagardoarekin eta herri erromeria antolatuz. Basauri Kantari ere izango da Solobarria plazatik.
Larunbatean, irailaren 19an, emanaldia nagusia izango da Bizkotxalde parkean 19:00etan. Aurten, Iekorako Dantza Taldea (Araba), Iremiñe (Berriz, Bizkaia), Gure Kai (Deba, Gipuzkoa), San Lorentzo Dantzarien Kofradia (Iruñea, Nafarroa) eta Luzaideko Bolantak (Luzaide, Nafarroa) izango dira gonbidatuak. Euria eginez gero, ikuskizuna Social Antzokian izango da, doako sarrerarekin.
Igandean, irailaren 20an, Basauriko hiru dantza taldeek, Agintzari, Basauritar eta Edurre, euren ikuskizunak eskainiko dituzte Bizkotxalde parkean, baita ere 19:00etan. Euria eginez gero, Social Antzokian izango da emanaldia.
Antolatzaileek nabarmendu dute Iekorako Dantza Taldea eta Berrizko Iremiñe Dantza Taldea hogei urte baino gehiago igaro ondoren itzultzen direla Euskal Herriko Dantza Agerketara.
