Greba mugagabearen hasiera-data oraindik zehaztu gabe dagoen arren, Bilbo, Donostia eta Gasteiz arteko lineei, Debagoieneko zerbitzu guztiei, eta Loiu-Arrasate, Loiu-Donostia eta Loiu-Gasteiz lineei eragingo lieke.
“"Lan-gatazka konponduta zegoela eta langileen baldintzak hobetuko zirela esan bazen ere iazko urrian, ez dela horrela dio ELAk. Gaur gaurkoz ez dagoela hitzarmenik Avanza Movilidad Gipuzkoan diote eta lan-gatazkak erabat irekita jarraitzen duela."
Sindikatuak adierazi duenez, apirilaren 15ean Eusko Jaurlaritzarekin egindako bileran argi geratu zen enpresak ez duela aurreakordioa berresteko asmorik. Are gehiago, bitartekaritza prozesuan adostutakoa aldebakarrez aldatzeko asmoa duela salatu dute.
“"Argi geratu zen han enpresak ez duela inolako asmorik aurreakordioa enpresa-hitzarmenean adostutako baldintzetan berresteko. Alderantziz, bitartekaritza prozesuan adostutakoa aldebakarrez aldatzeko asmoa du."
ELA k gertakari hori "berebiziko larritasuna" duela jo du, enpresak Eusko Jaurlaritzaren bitartekaritzapean eta Lan Sailburuordetzaren bermearekin lortutako akordio bat ez betetzea erabaki duelako. Horregatik, herritarrei eta Foru Aldundiari jakinarazi nahi izan diete ez dagoela hitzarmenik, ez akordiorik eta lan-gatazkak bizirik jarraitzen duela.
Egoera horren aurrean, ELA k greba mugagabea sustatuko duela adierazi du, "2025eko uztailean planteatutako aldarrikapenetan oinarrituta, plantilla osoarentzat hitzarmen duin bat bermatu arte".
