Guztira, 268.667 bilbotarrek bozkatu ahal izango dute datorren azaroaren 29ko hauteskunde orokorretan. Horretarako, 47 hautesleku eta 355 mahai egongo dira prest, 1.065 mahaikidek (lehendakari/ak, lehen bokala eta bigarren bokala) lagunduta.
Udalak hauteslekuen erroldaren eta boto-lekua kontsultatzeko gomendioa luzatu die herritarrei. Informazio hori etxebizitzetara bidaliko da hauteskundeak baino egun batzuk lehenago. Gainera, Udalaren webgunean Geobilbao ere kontsultatu ahal izango da, bizilekuaren kokapena adierazita dagokion hauteslekua agertuko delarik.
Hauteskundeetarako materialari dagokionez, 47 hautesleku, 355 mahai eta 815 kutxa (355 Kongresurako eta 460 Senaturako) erabiliko dira. Horrez gain, 300 hautesleku-kabina, gutxi gorabehera 1.910.000 boto-paper (14 kandidatura aurreikusten dira) eta 269.000 boto-paper Senaturako, baita 210.000 boto-soberain ere bi bozketa motetarako.
Logistika lanetan 450 pertsona inguru arituko dira. Dokumentazioa eta boto-paperak prestatzea hauteskunde-jardunaldia baino hiru aste lehenago hasiko da, eta materialaren garraioa hauteslekuetara aste horretan bertan egingo da. Mahaiaren prestaketa eta ikuskapena azken 48 orduetan gauzatuko da. Hauteskunde-eguna amaitu ondoren, hiru eguneko epean desmuntatu eta material guztia itzuliko da.
Hauteskunde-egunean bertan, 81 arduradun izango dira hauteslekuen eta behin-behineko emaitzen transmisioaren arduradun. Horiez gain, 156 administrazioaren ordezkari, 12 pertsona gertakarien kontrol eta ebazpenerako, eta 100 pertsona baino gehiago zentroen irekiera, itxiera eta kudeaketarako arituko dira. Guztira, 1.065 mahaikide izango dira, lehen deialdian 3.195 pertsona zituztelarik.
