Ku-Ku liburuxka jaioberriei zuzendutako argitalpena da, familiei tresna praktikoak eskaintzen dizkiena beraien seme-alabekin euskaraz komunikatzeko. Liburuxka Etxebarri ko Herritarren Arreta Zerbitzuan (SAC) jaso ahal izango da, haurra erroldatu ondoren.
Eman Giltza kanpainak, berriz, seme-alaba txikien etorkizunerako euskararen erabileraren garrantzia azpimarratu nahi du, eta familiek gai honetan duten inplikazioaren garrantzia nabarmendu. Horretarako, www.emangiltza.eus webgunea jarri da herritarren eskura, aurten berritasunekin.
Webgune honetan, besteak beste, aholkuak, iradokizunak, jolasak, gurasoen testigantzak, hiztegi eta ipuin digitaletarako estekak, eta euskarazko produktuen katalogoak aurki daitezke. Gainera, inkesta bat betez gero, familia osoarekin gozatzeko sarien zozketan parte hartu ahal izango da.
Informazio gutuna eta liburuxka bidaltzearekin batera, askari poltsa bat ere oparituko da. Udalak gogorarazi du, halaber, seme-alabak ikastetxe publikoan matrikulatzeko epea irekitzen denean, Kukullaga ko publikoan, D ereduan, matrikulatzera animatuko dituztela gurasoak.
Informazio gehiago nahi izanez gero, Euskararen Zerbitzua rekin harremanetan jarri daiteke: Egetiaga Uribarri 1A, 2. solairua, telefonoa: 94 426 7005, edo helbide elektronikoa: euskarazerbitzua@etxebarri.eus.




