Ekitaldia arratsaldeko 17:00etan hasiko da eta “Zurrumurru arrazisten kontrako hitzaldia: Aurreiritziak desmuntatuz eta bizikidetza eraikiz” izenburua izango du. Sarrera doakoa izango da, eta interesdunek informazio gehiago eskuratzeko edo zalantzak argitzeko 693 900 568 telefono zenbakira deitu edo gizarte@urretxu.eus helbidera idatzi dezakete.
+65 Foroa 65 urtetik gorako pertsonen ordezkaritza organoa da, eta haien ongizatea sustatzeko politikak eta jarduerak planifikatu, exekutatu eta jarraitzea du helburu. Espazio honek herritarren iritziak, beharrak eta hausnarketak mahai gainean jartzeko aukera ematen du, norberaren herrian nola zahartu nahi den eztabaidatu eta erabakitzeko.
Hitzaldiaren helburu nagusia gizarte kritikoago, informatuago eta tratu berdintasunarekin konprometituago bat sustatzea da. Bertaratutakoei baliabideak eskainiko zaizkie gorroto eta desinformazio diskurtsoak identifikatu eta horien aurrean modu eraginkorrean jarduteko.
“"Gure gizartean dirauten diskriminazioa, bazterketa eta desberdintasuna sortzen duten zurrumurru eta estereotipo arrazistak identifikatu, zalantzan jarri eta desegiteko diseinatuta dago hitzaldia; elkarrizketa ireki eta parte hartzaile baten bidez."
