Legazpiko Udala k Urtatza auzoa osotasunean lantzeko plan bat abiarazi zuen 2025eko amaieran, Legazpi Auzoetatik ekimenaren baitan herritarrekin hartutako konpromisoa betez. Helburu horrekin, Legazpi ko Medina & Murua arkitektoek auzoko azterketa bat egin dute eta hobekuntza integralerako proposamenak aurkeztuko dituzte, irisgarritasuna, iraunkortasuna eta bizilagunen bizi-kalitatea erdigunean jarriz.
Urtatza, bere ezaugarri bereziekin, auzo kohesionatu eta bizigarria da, eta bertako bizilagunek ingurunea zaintzeko konpromiso argia erakutsi dute. Horregatik, Udalak herritarrekin elkarlanean garatu nahi du plan hau. Horretarako, parte hartzeko saio ireki bat antolatu da.
Saioa urriaren 20 an izango da, 18:00 etan, Olamendi eskolan. Bertan, Urtatza ko bizilagunek beraien iritzia eta proposamenak zuzenean aurkeztu ahal izango dizkiete planaren idazketan arituko diren profesionalei.
Eric Gálvez alkateak azpimarratu duenez, "Urtatza ko bizilagunen iritzia ezinbestekoa da. Guztion artean auzo irisgarriagoa, bizigarriagoa eta iraunkorragoa lortzeko plan bat landu nahi dugu". Parte hartze saio hau aukera paregabea da auzoaren etorkizunerako, eta Udalak nahi du bertako ekarpen guztiak jaso eta landu daitezela, auzoko bizitza eta bizi-kalitatea hobetzeko.
Udalak Urtatza ko bizilagun guztiak animatzen ditu saioan aktiboki parte hartzera eta prozesuan inplikatzera, beraien ideiak, kezka eta proposamenak aportatuz. Auzoaren etorkizunaren eraikuntza zeregin kolektiboa da eta iritzi bakoitzak balio du Urtatza irisgarriagoa, iraunkorragoa eta bertan bizi direnen beharrizanetara egokitua lortzeko.
