Igandea egun garrantzitsua izan zen pilota egokituarentzat Zumarragan. Beloki frontoian Gipuzkoako Openeko finalak jokatu ziren, harmailetan giro ederra eta kantxan maila bikaina izan zirelarik.
Hainbat kategoriatan lehiatu ziren pilotariak. Adimen-desgaitasuna duten pertsonen hastapen mailan, Unai Dios eta Daniel Calviño izan ziren txapeldun, Joel García eta Tanya Fernández bikoteari irabazita. Adimen-desgaitasuna dutenen kategoria nagusian, Lander Ortega eta Eneko Sagarmendi nagusitu ziren Hodei Asteasu eta Xabat Askasibarren aurka. Gurpil-aulkiko desgaitasun fisikoa duten kirolarien kategorian, Aingeru Senperena eta Beñat Lizaso izan ziren garaile, Joseba Lasa eta Edorta de Anta bikoteari 25-21eko emaitza estuarekin irabazita. Azken partida hori tentsio handikoa izan zen, eta ikusleek gozatu ederra hartu zuten.
Zumarragak aurrera jarraitzen du udalerri inklusibo baten aldeko konpromisoan, non kirola pertsona guztien zerbitzurako tresna den.
Zumarragako Udala oso positibotzat jo du jardunaldia, eta eskerrak eman dizkie bai antolatzaileei, bai kirolariei, beren inplikazioagatik, baita herritarrei ere, emandako erantzunagatik. Udalak azpimarratu duenez, Zumarraga udalerri inklusibo baten aldeko konpromisoan aurrera egiten ari da, non kirola pertsona guztien zerbitzurako tresna gisa ulertzen den.
