Zegama k ‘Ongi etorri Zegamara!’ egitasmoaren lehen edizioa ospatu du larunbatean. Ekimen honen helburua da kanpotik herrira bizitzera joan diren pertsonei ongi etorria egitea, bertako bizilagunekin harremanak estutzea eta beste kultura batzuk ezagutzea.
Egitaraua 16:30ean hasi zen, herrian zeharreko ibilbide batekin. Bertan, Ixabel Elortza k herriaren historiari buruzko datu interesgarriak partekatu zituen, eta parte-hartzaileek bertako zerbitzuak bertatik bertara ezagutzeko aukera izan zuten.
Ondoren, 17:30ean, Aitamarren parkea n topaketa gastronomiko bat egin zen. Bertan, talde txikitan banatuta, patata tortillak prestatzen aritu ziren parte hartzaileak.
Ekitaldia afari-merienda batekin amaitu zen, musika, dantza eta jolasak lagun zituztela, giro atseginean.
Azken datuen arabera, gaur egun Zegama n gutxienez 30 jatorri ezberdinetako 192 herritar bizi dira, biztanleria osoaren %13a osatuz.
