Asteburu honetan, maiatzaren 16 an eta 17 an, Zegama ra joateko edo mendiko maratoia ikusteko asmoa dutenek garraio publikoaren eta trafikoaren inguruko informazio garrantzitsua kontuan hartu beharko dute. Autobus zerbitzu bereziak antolatu dira, eta hainbat errepide itxita egongo dira.
Larunbatean, maiatzaren 16 an, 09:00etatik 20:00etara, bi autobus ibiliko dira Zegama eta Segura artean. Igandean, maiatzaren 17 an, berriz, bost autobus egongo dira ibilbide berean, 06:00etatik 19:00etara. Mendira joan nahi dutenentzat ere autobusak etengabe ibiliko dira 06:00etatik aurrera, Zegama tik Apeadero ra eta Suazerretako aparkalekuetatik Otsaurte ra.
Lurraldebusen ohiko G001 linea ere indartuko da, Zaldibia, Ordizia, Beasain, Olaberria, Idiazabal, Segura eta Zegama artean. Larunbatean, autobus bereziak Zaldibia tik Zegama ra 10:00etan, 11:00etan, 15:00etan, 16:00etan eta 17:00etan aterako dira, hainbat geldialdirekin. Itzulerako zerbitzuak Zegama tik 20:00etan, 21:00etan eta 22:00etan izango dira. Igandean, Zaldibia tik 06:30ean, 07:00etan eta 08:00etan abiatuko dira, eta itzulerakoak 15:55ean, 16:55ean, 18:00etan eta 19:00etan.
Trafikoari dagokionez, maiatzaren 11 tik 14 ra, Partzoneriko sarbideak (Otsaurtetik eta Urdalur aldetik) itxita egongo dira 19:00etatik 07:00ak arte. Asteburu osoan, maiatzaren 15 etik 17 ra, Zegama n autoak garajeetan sartzea eskatzen da. Otsaurte tik Aldaola rako bidea itxita egongo da ibilgailuentzat maiatzaren 15 eko 19:00etatik maiatzaren 17 ko 06:00ak arte. Urdalur reko pasabidea irteera-bide gisa bakarrik erabili ahal izango da.
Ostiralean, maiatzaren 15 ean, Apeadero ko bidea itxita egongo da 12:00etatik aurrera, baimenduentzat izan ezik. Larunbatean, maiatzaren 16 an, lineako autobusak farmazia aurrean hartuko du buelta egun osoan. Igandean, maiatzaren 17 an, Ugarte-Zelai kaleak norabide bakarra izango du Otsaurte rantz. Zegama herri barruko ibilgailuek Otsaurte ra joateko errepidea irekita izango dute 10:30ak arte. Otsaurte gainean, Otsaurte-Zegama norabidean errepidea itxita egongo da 06:00etatik 14:00ak arte, eta trafikoa N-1 etik bideratuko da. Autokarabanek ezingo dute Partzuergo ra sartu, eta leku mugatuak egongo dira Olaberria/Ugarte-Zelai auzoan, Anduetza Interpretazio Zentroan, Segura n eta Idiazabal en.
