Urretxuko Santa Anastasia festetako Euskal Jaiko bazkarirako izen-ematea datorren asteartean eta asteazkenean, uztailaren 21 eta 22an, izango da zabalik. Herritarrek bi egun izango dituzte izen-emate prozesua burutzeko, Urretxuko Udalaren webgunean (www.urretxu.eus) sartuta. Izena emateko lotura argi ikusiko da bertan.
Izen-ematea uztailaren 21eko 10:00etatik uztailaren 22ko 23:00etara bitartean egin ahal izango da. Izan ere, izen-ematearen ordenak ez du inolako lehentasunik emango, eta izena ematen dutenen artean zozketa egingo da 1.500 lagun baino gehiagok izena ematen badute. Zozketa ausazko zenbaki bat ateraz egingo da, eta zenbaki horretatik aurrera hasiko dira lekuak betetzen.
Lekua egokitu zaizun ala ez jakinaraziko zaizu uztailaren 23an, posta elektroniko bidez. Bazkariak hiru lekutan izango dira: Ederrena pilotalekuan, Aldiri kiroldegian eta, behar izanez gero, Gainzuriko estalpean. Sarayola eta Divinus catering enpresek zerbitzatuko dituzte menuak.
Ederrena pilotalekuan (Sarayola), helduen menua 30 eurokoa izango da eta haurrentzakoa, 15 eurokoa. Aldiri kiroldegian eta Gainzuriko aterpean (Divinus), prezio berberak mantenduko dira. Menuak osagai desberdinak izango dituzte helduentzat zein haurrentzat, hala nola errusiar entsalada, piperrak, saiheski errea, eta postreak.
Ezin izango da bazkaldu nahi den lekua aukeratu, zozketa bidez esleituko baitira lekuak. Zozketa honetan ere zenbaki bat aterako da eta hortik aurrera beteko dira lekuak, Ederrena pilotalekutik hasita. Lagun talde baten izenean ere eman daiteke izena, batera esertzeko aukera ematen duena. Horretarako, pertsona batek bete beharko du taldearen izenean galdetegia.
Izen-emateko, izena emango duenaren izen-abizenak, NA zenbakia, telefonoa, helbide elektronikoa, heldu eta haur kopurua, eta elikadura behar bereziak zehaztu beharko dira. Ordainketa transferentzia bidez egin beharko da, uztailaren 24tik 26ra bitartean. Udalak ordainketa egiteko kontu korronte zenbakia eta zenbat ordaindu behar den jakinaraziko ditu posta elektronikoz uztailaren 23an. Ordainketa izena eman duenak egin beharko du, kontzeptuan bere izena jarrita.
Teknologiekin moldatzen ez direnentzat, laguntza eskainiko da inguruan edo kultur etxean. Kultur etxera joateak ez du inolako abantailarik emango, prozedura bera baita guztiontzat.
