Urretxu ko Euskal Jaia ren harira antolatutako desfilerako izen-ematea zabalik dago ostiralera arte. Hasiera batean bi karroza baino ez ziren aurkeztu, baina bigarren epean zazpira igo da parte hartzea, jaiari bultzada emateko saiakera honetan.
Bestalde, jaietako herri bazkarirako izen-ematea Udalaren webgunean egingo da aurten, uztailaren 21ean eta 22an. Interesdunek www.urretxu.eus helbidean aurkituko dute izen-emateko esteka, uztailaren 21eko 10:00etatik 22ko 23:00etara.
Izen-emateko ordena ez da lehentasuna emateko balioko. 1.500 pertsona baino gehiago izena ematen badute, zozketa egingo da inskripzio guztien artean, eta zenbaki bat aterako da zoriz. Plaza horretatik aurrera esleituko dira lekuak. Zortea izan dutenei posta elektroniko bidez jakinaraziko zaie aukeratuak izan direla.
Bazkaria Ederrena frontoian izango da, Aldiri kiroldegian eta, beharrezkoa izanez gero, Gainzuri ko estalpean. Sarayola eta Divinus catering enpresek zerbitzatuko dute.
