Uztailaren 6an, autobusa goizeko 09:00etan aterako da Legazpiko Saturnino Telleria kaleko errotondatik eta Urretxuko Berriki denda ondoko geralekutik. Iruñetik hurrengo eguneko 05:00etan itzuliko da, Juan XXIII plazatik.
Bestalde, uztailaren 10ean eta 11n, irteera 19:00etan izango da Legazpitik eta Urretxutik, eta Iruñetik biharamuneko 09:00etan itzuliko dira.
Zerbitzua 18 urtetik gorakoentzat bakarrik dago zuzenduta, eta joan-etorriaren prezioa 17 eurokoa da.
Legazpiarrek dagoeneko zabalik dute izen-ematea, udaletxean edo udalaren webgunean. Ekainaren 25a da izena emateko azken eguna. Urretxuko Udalak astelehenean emango du izen-emate prozesuaren inguruko xehetasun gehiago.
