Idiazabalgo ikasleek Ordiziako Musika Eskolan baja eskaera egiteko epea ireki da, 2026/2027 ikasturteari begira. Interesdunek gaurtik apirilaren 17ra arteko epea dute prozedura hau burutzeko.
Baja eskaera egiteko, ikasleek kultura@idiazabal.eus helbidera idatzi dezakete edo zuzenean udaletxera joan. Bi kasuetan, beharrezkoa izango da baja eskaerako orria bete eta aurkeztea.
Baja eskatzen ez duten ikasleen matrikulazioa automatikoki berrituko da hurrengo ikasturterako, eta haien plaza erreserbatuta geratuko da. Bestalde, 2018an jaiotako ikasleek, instrumentua aukeratu behar dutenek, udaletxean adierazi beharko dute zein tresna nahi duten.
Ikasle berrientzako matrikulazio epea maiatzaren 11tik 15era bitartean zabalduko da, 2026/2027 ikasturterako.
