Bi urteko itxieraren ostean, Lizarrustiko aterpetxeak ateak irekiko ditu berriro ostegun honetan, apirilak 30. Denbora horretan, Gipuzkoako Foru Aldundiak hainbat hobekuntza egin ditu Ataungo eraikinean, hezetasun eta isolamendu arazoak konponduz eta energia hornidura berrituz.

Inaugurazio ekitaldi bat egingo da ostegunean 13:00etatik 14:00etara, eta ondoren, 14:00etatik aurrera, maizter berriak zerbitzua ematen hasiko dira.

Aterpetxeak ordutegi zehatza izango du urte osoan zehar. Maiatzean, astelehenetik igandera egongo da zabalik 09:30etik 16:00etara, eta afariak 19:00etatik 20:30era eskainiko dira. Ekainean, ordutegia 09:00etatik 16:00etara izango da, afariak 19:30etik 20:30era. Uztailean eta abuztuan, goizez 09:30etik 16:00etara eta arratsaldez 17:30etik 21:00etara egongo da irekita. Irailean, astelehenetik igandera 09:30etik 16:00etara. Urrian, astearteetatik igandeetara 09:30etik 16:00etara. Azkenik, azaroan, asteazkenetik igandera 10:00etatik 16:00etara, astelehenetan eta astearteetan itxita egongo da. Abenduaren 15etik urtarrilaren 15era oporrak hartuko dituzte.

Bestalde, Lizarrustiko Parketxeak iazko otsailean ireki zituen ateak berriro, kultur paisaien edertasunari eta aberastasunari buruzko erakusketa berritu batekin. Parketxea ere urtebetez egon zen itxita birgaitze lanak zirela eta.