Legazpiko Udalak adierazpen publiko bat egin du Gari Ugarte herriko txirrindulariari animoak eta babesa helarazteko. Ugarte, lehen aldiz, Euskaltel taldearekin ari da Itzulian lehiatzen, eta bere herriak harrotasunez jarraitzen du bere ibilbidea.
“"Harrotasun bat da bera nazioarteko mailako txirrindulari onenen artean lehiatzen ikustea lasterketa historiko honetan. Legazpiren izenean, gure babes eta animo guztiak helarazi nahi dizkiogu, eta zorte ona opa diogu Itzulia gogoz eta indarrez osatzen jarrai dezan. Herriak harrotasunez jarraitzen du bere parte-hartzea eta bere lana eta ahalegina baloratzen ditu etapa bakoitzean. Aupa Gari, Legazpiko herri osoa zurekin dago!"
Udalak azpimarratu duenez, Ugarte ren parte-hartzea nazioarteko txirrindularitza elitearen artean, herriarentzat ohore bat da. Mezu honen bidez, Legazpiko biztanle guztien babesa eta zorte onena helarazi nahi izan diote txirrindulariari, lasterketako gainerako etapak arrakastaz burutu ditzan.
