Legazpiko Udalak antolatutako egutegi lehiaketaren martxoko edizioan, Idoia Elustondo izan da garaile. Aurtengo egutegia kirolari eta osasun mentalari eskainita dago, eta hilero gai horiekin lotutako galderak proposatzen dira, argazki baten laguntzaz.

Martxoko lehiaketan erantzun zuzena 'Konstantzia' hitza zen. Guztira 106 herritarrek asmatu zuten erantzuna, eta haien artean egindako zozketan suertatu zen irabazle Elustondo. Sari gisa, 50 euroko txartel bat jaso du, Legazpin bertan gastatzeko, eta Edurne Matias zinegotziak eman zion.

Lehiaketak aurrera darrai, eta apirileko edizioa martxan dago jada. Parte hartu nahi duten herritarrek Legazpiko Udalaren webgune ofizialaren bidez egin dezakete, www.legazpi.eus helbidean.