Goierriko hainbat udalerritan, hala nola Beasain, Idiazabal, Lazkao, Legorreta, Ordizia, Segura eta Zegama, bat egin zuten ekainaren 28an, LGTBIQ+ harrotasunaren eta sexu askapenaren nazioarteko egunarekin. Udalerri hauek ekintzak antolatu eta adierazpen instituzionalak onartu dituzte aniztasuna eta eskubideak aldarrikatzeko.
Zegama k jai giroan ospatu zuen eguna. Eguerdian, udaletxeko plazan Aitxuri Herri Eskola ko ikasleek egindako marrazkiak erakutsi zituzten, eta aurpegiak margotzeko aukera eskaini zen. Herri eskolako eskailerak ortzadarraren kolorez margotu ondoren, taldeko argazkia atera eta mokadutxoa egin zuten, Yogurinha Borovaren ikuskizunarekin girotuta. Etxe eta baserrietako leiho eta balkoiak bandera koloretsuz apaindu zituzten.
Idiazabal go Udalak, beste urte batez, udaletxeko balkoia LGTBIQ+ kolektiboaren kolorez jantzi zuen eta adierazpen instituzional bat zabaldu zuen herritarren artean. Adierazpen horretan, kolektiboaren ibilbidea eta gizartearen aniztasuna aitortu eta ikusgarri egiteko nahia adierazi zen, baita lortutako eskubideak defendatzeko konpromisoa ere. Era berean, oraindik egiteko dagoen lana nabarmendu zen, bereziki pertsona trans, intersexual, lesbian eta bisexualen errealitateak, eta begirada intersekzionalaren garrantzia azpimarratu zen, sexu-orientazioa eta genero-identitatea beste egoera batzuekin gurutzatzen direnean.
Segura ko Udalak ere bat egin zuen egunarekin eta adierazpen instituzional bat zabaldu zuen. Bertan, sexu- eta genero-aniztasunaren aldeko konpromisoa berretsi eta pertsona guztiek askatasunez eta diskriminaziorik gabe bizitzeko duten eskubidea aldarrikatu zen. Aurrerapausoak aitortu arren, oraindik dauden erronkak eta aurreiritziak, estereotipoak eta gorroto-diskurtsoak nabarmendu ziren. Udalak berdintasuna, errespetua eta inklusioa sustatzeko neurriak garatzeko ardura hartu zuen, eta aniztasuna herriaren aberastasunaren parte dela adierazi zuen.
Legorreta n, Zinegoak jaialdiko film laburrak ikusteko aukera izan zen, eta udaletxeko balkoian ortzadar koloreko bandera jarri zen. Udalak adierazpen bat onartu zuen, LGTBI+fobikoen datuen igoera eta diskurtso patologizatzaileen ugaritzea salatuz. Adierazpenak nabarmendu zuen inoiz baino garrantzitsuagoa dela nondik gatozen ospatzea eta LGTBI+fobiarik gabeko herri baten alde borrokatzea. Era berean, instituzioetatik politika publiko integralak ezartzeko beharra azpimarratu zen, eta udalak konpromiso argia hartu zuen LGTBI+ pertsonak aintzat hartuko dituzten udal politika publiko feminista integralak martxan jartzeko.
Beasain en, Igartzako jauregia ortzadar kolorez argiztatu zen. Udalak adierazpen bat onartu zuen, LGTBIQA+ kolektiboaren aniztasuna ikusgarri egiteko eta lortutako eskubideak defendatzeko. Adierazpenak azpimarratu zuen aurrerapenak egon arren, kolektiboko kide guztiek ez dituztela egoera berberak bizi, eta diskriminazio-arriskua faktore anitzen gurutzaketan agertzen dela. Era berean, azken urteotan lortutako eskubideak zalantzan jartzen dituzten diskurtsoen aurrean, espazio publiko anitz eta inklusiboen beharra gogorarazi zuen. Udalak gaitzetsi zituen diskriminazioa eta gorroto-delituak, eta sexu-aniztasuna babesteko konpromisoa hartu zuen.
Ordizia ko udaletxeko balkoia ere ortzadar kolorez jantzi zen, eta udalbatza osoak aho batez onartu zuen Adierazpen Instituzionala. Bertan, kolektiboak egindako bidea aitortu eta gizartearen aniztasuna ikusgarri egiteko nahia adierazi zen. Adierazpenak, ordea, hausnarketarako tartea ere eskatu zuen, oraindik ere badiren egiteko lanak nabarmenduz, bereziki ikusgarritasun txikiagoa duten identitate, gorputz eta sexu-orientazioen kasuan. Begirada intersekzionalaren garrantzia azpimarratu zen, eta egoera administratibo irregularrean dauden migratuak, kale egoeran bizi diren pertsonak edo aniztasun psikikoa duten gazte LGTBIQA+ak bezalako kolektibo zaurgarriak aipatu ziren. Udalak konpromisoa berretsi zuen pertsona guztientzat bidezkoagoa, inklusiboagoa eta anitzagoa izango den gizartea eraikitzeko.
Lazkao ko udaletxean ere banderak jarri eta Adierazpen Instituzionala onartu zuten. Adierazpenak LGTBIQ+ kolektiboaren ibilbidea aitortu eta gizartearen aniztasuna ikusgarri egiteko nahia adierazi zuen. Era berean, oraindik ere badiren egiteko lanak eta kolektiboaren barruan dauden errealitate ezberdinak nabarmendu ziren, bereziki pertsona trans, intersexual, lesbian eta bisexualen egoera. Begirada intersekzionalaren garrantzia azpimarratu zen, eta egoera zaurgarrietan dauden pertsonen beharrak aipatu ziren. Udalak konpromisoa berretsi zuen pertsona guztientzat bidezkoagoa, inklusiboagoa eta anitzagoa izango den gizartea eraikitzeko.
