Zerbitzu honek, iazko apirilaren 28an abian jarri zenetik, arrakasta handia izan du, batez ere gazteen artean, erabiltzaileen %35 a 26 urtetik beherakoa baita. Datu horiek Zumarragan egindako prentsaurreko batean aurkeztu ziren.
Bidaien ia erdia, %46,9, Donostiatik abiatu zen. Beasaindik %20,3 (74.095 bidaia), Zumarragatik %15,3 (55.944 bidaia), Ordiziatik %11,8 (43.249 bidaia), Tolosatik %3,9 (14.137 bidaia) eta Legazpitik %1,8 (6.581 bidaia) egin ziren.
Zerbitzuaren erabilera etengabe hazi da. Maiatzean 12.254 bidaia erregistratu ziren, uztailean 22.801 eta abuztuan 32.388. Irailean lehen aldiz 40.000 bidaia baino gehiago egin ziren, eta errekorra urriaren 41.081 bidaietan lortu zen. Harrezkero, hilean 35.000 bidaia baino gehiago egiten dira, Gabonetan eta Aste Santuan izan ezik. Arrakasta horren ondorioz, 2.012 errefortzu-zerbitzu gehitu behar izan dira, horietatik 310 urrian, 266 martxoan eta 258 otsailean.
“"Goierri Donostiarekin errepidez lotuko zuen garraio publikoa beharrezkoa zela ikusi da. GO07rekin bizilagunen eskaera historikoari erantzuna eman diogu. Errepide bidezko garraio publiko jasangarri, eroso eta eskuragarria dute azkenean. Beraien beharrei erantzuten diena eta ehunka lagunen egunerokoa errazten duena."
Autobus linearen arrakastak N-1 errepideko auto kopurua murrizten lagundu duela ere nabarmendu zen. Garraio publikoaren aldeko apustuak gipuzkoarren erantzun positiboa duela erakusten du, eta horregatik, autobusaren erabilera sustatzen jarraitzea ezinbestekoa da.
“"Aldundiari eskerrak eman nahi dizkiot, beste behin Gipuzkoa barnealdeko eskaerak aintzat hartu dituelako. Datuek zerbitzu hau aspaldi jarri behar zela erakutsi dute, baina egungo kudeatzaileek egin dute. Linea berriak ikasleen eta langileen beharra ase du."
