Gaur Goierriko hainbat futbol zelaietan berdintasunaren aldeko aldarria nagusitu da, Goierri Gorri klubak antolatutako Berdintasunaren aldeko V. Futbol txapelketaren baitan. Goizean hasita, Gipuzkoako hainbat talde aritu dira lehian Beasain, Idiazabal, Lazkao eta Ordiziako futbol zelaian, arratsaldeko finalerako txartela eskuratzeko helburuarekin.
Finalak Lazkaoko Harizti Haundi estadioko zelaian jokatuko dira, arratsaldeko 16:00etan hasita. Txapelketa honetan infantil mailako taldeak ari dira parte hartzen, hamaikako modalitatean.
Txapelketan parte hartzen duten taldeak honako hauek dira: Tolosa, Goierri Gorri, Euskalduna, Sanse, Mondragon, Goierri Gorri A, Goierri Gorri B, Goierri Gorri C, Goierri Gorri D, Goierri Gorri E, Goierri Gorri F, Zarautz, Intxaurdi, Urola, Segura-Aizkorri eta Aitzondo.
