Idiazabalgo Gaztelekuak ateak irekiko ditu urriaren 24an, datorren ikasturteari ekiteko. Nerabeentzako topagune berri hau 6. mailatik aurrerakoentzat izango da, non lagunekin elkartu eta aisialdiaz eta denbora libreaz gozatu ahal izango duten.
Ordutegiari dagokionez, Gaztelekua 16:30etik 19:30era egongo da zabalik. Gainera, aurten nobedade bat izango da zerbitzuaren antolaketan: hilabeteko asteburu batzuetan, igande arratsaldean eskaini beharrean, ostiral arratsaldean emango da zerbitzua, Gaztelekuaren egutegiaren arabera.
Ikasturtean zehar, ohiko eskaintzaz gain, Gabonetako, Aste Santuko eta Pazko Asteako oporretan zein udan, programazio berezia antolatuko da.
Gaztelekuko ekintzetan parte hartzeko, aurrez izena ematea ezinbestekoa da. Interesa dutenek urriaren 24tik azaroaren 14ra bitartean egin ahal izango dute, Gaztelekuan bertan.
