Ekimena adin, gaitasun, esperientzia eta bizipen desberdinak dituzten pertsonei zuzenduta dago, eta saioak Beasaingo Urbieta Eraikinean egiten dira ostiralero, 15:00etatik 17:00etara. Parte-hartzea doakoa da, eta izena emateko epea urriaren 28ra arte egongo da zabalik.
Proiektu honek antzerkia eta arte-sorkuntza erabiltzen ditu tresna nagusi gisa, pertsonen arteko komunikazioa, sormena, autokonfiantza, enpatia eta talde-lana sendotzeko. Inklusioa elkarrekin sortuz eta adierazteko modu ezberdinak errespetatuz gauzatzen da.
Tailerra herritar guztiei irekita dago, baldintzarik gabe, eta laguntza pertsonala edo irisgarritasun-baliabideak behar dituztenek antolatzaileekin harremanetan jarri ahal izango dira aukerak aztertzeko.
Esperientzia pilotu hau prebentzio-proiektu zabalago baten baitan kokatzen da, pertsona anitzen arteko elkarrizketa eta komunitate-loturak sustatuz, elkar ezagutzeko eta talde baten parte sentitzeko gune segurua eskainiz.
Saioak Maider Bartolome Gurrutxaga k gidatuko ditu, Arte Dramatikoko diplomaduna eta esperientzia handiko aktore eta irakaslea Dar-Dar Produkzioak taldean.
Hasiera batean tailerrak urte amaierara arte luzatuko dira, baina taldearen bilakaera eta partaideen interesa kontuan hartuta, datorren urtean ere jarraipena izateko aukera dago. Eskaera handia balitz, bigarren talde bat osatzea ere aztertuko litzateke.
Datu nagusiak: Ostiralero, 15:00-17:00 (Urtea amaitu bitartean) Urbieta Eraikinean. Doakoa. Herritar guztiei irekia. Izena emateko epea: urriaren 28ra arte. Informazioa: 657 79 96 22. Antolatzaileak: Beasaingo Udala, Dar-Dar, Adinberri eta Gipuzkoako Foru Aldundia.
