Beasaingo Udala k eta Beasain Kirol Elkartea k elkarlanean antolatu dute ekimena, herritarrek Real Sociedad en partida elkarrekin gozatu dezaten. Partida 21:00 etan hasiko da, eta euria eginez gero, Gernika pasealekuko frontoi txikia izango da ordezko kokalekua.
“"Hainbat herritarrek egindako eskaerari eta herrian sumatzen den ilusioari erantzun nahi izan diogu. Realak Gipuzkoan eta, bereziki, Beasainen duen erroa ukaezina da. Pantaila hau jartzea ez da soilik futbol partida bat ikusteko gune bat eskaintzea; beasaindarrak elkartzeko, emozioak partekatzeko eta gure nortasuna kolektiboki indartzeko espazio bat sortzea da."
Leire Artola alkateak adierazi duenez, nahiz eta erabakia aste honetan hartu den, udalarentzat “ahaleginak merezi duela”, “herri kohesioari” erantzuten diolako. Gainera, nabarmendu du Aritz Elustondo eta Beñat Turrientes beasaindarrak, Real Sociedad eko lehen taldeko jokalariak, “gazteentzako ispilu” direla, eta haiek La Cartuja n egotea “Beasain osoa han egotea bezala” dela.
Bestalde, Ezkiaga auzoko bizilagunen elkartea k ere pantaila bat jarriko du Ezkiagako frontoia n. Elkarteak adierazi duenez, “Ezkiagako frontoia benetako estadio bihurtuko dugu”, eta partida “tamaina itzelean” ikusteko aukera eskainiko dute, giro ezin hobean. Edariak euro batean salduko dituzte. Udalak eta Beasain KE-k herritarrei dei egin diete ekitaldiaz “gizalegez, errespetuz eta era positiboan” gozatzeko.
