Amezti mendi taldeko kideek, Zegamakoak, Gipuzkoako Biraren hamabosgarren eta azken etapa egin ahal izan zuten martxoaren 28an, eguraldiak azkenean tregua eman ondoren. Ibilbidea Aritxulegitik (Oiartzun) abiatu zen, eta Aiako Harrien magaletik igaro zen, Elurretxe eta Erlaitz gainak zeharkatuz.

Ondoren, San Martzial ermitatik Irunera iritsi ziren, eta azken helmuga Hondarribian izan zuten. Taldeko kide Asier Berasategik adierazi duenez, “Irunera iristear giñela txiri-miri pixkat, baina ondo. Hondarribiko kiroldegian dutxatu eta hirugarren denborara pasa giñen. Bapo bazkaldu eta arratsaldean itzuli giñen etxera”.

Berasategik gaineratu du bazkalorduan proiektu berrietarako ideiak sortu zirela, “hori bai, urte kopuru laburrago eta bukaera berdiñarekin” zehaztuz. Honek taldearen etorkizuneko erronketarako gogoa eta ilusioa islatzen du.