Usurbilgo Udalak hainbat dirulaguntza deialdiren oinarriak argitaratu zituen otsailaren 12an, eta eskabideak aurkezteko hilabeteko epea ezarri zuen, kasu batzuetan murriztua izan arren. Dirulaguntzen Batzorde Orokorrak ondoren zerrendatutako hamaika ebazpen argitaratu ditu.

Guztira, 191.424,70 euro banatuko dira. Deialdi hauetatik hirutan ez da eskabiderik aurkeztu: etxebizitzan igogailua instalatzeko, desgaitasuna edo mendekotasuna duten adingabeen osasun egoera hobetzeko tratamenduetarako, eta kirol egokituko jarduerak burutzeko.

Ebazpen guztiak behin-behinekoak dira eta hilaren 22tik aurrera hamar laneguneko epea zabalduko da alegazioak aurkezteko.

Dirulaguntzen banaketa arloen arabera honako hau da: Ingurumen arloko egitasmoetarako 7.008,25 euro (2 eskaera onartu dira); Nekazaritza eta abeltzaintzarako 17.394,91 euro (17 eskaera onartu dira); Etxebizitza alokatzeko 4.800 euro (2 eskaera onartu dira); Gizarte zerbitzuetako egitasmoetarako 11.997,89 euro (13 eskaera onartu dira); Kultur egitasmoak garatzeko 79.973,65 euro (72 ekintza onartu dira); Kultur sorkuntzarako 8.250 euro (3 eskaera onartu dira); Kirol-klubek antolaturiko kirol-jarduerak garatzeko 60.000 euro (5 eskaera onartu dira); eta Kirol elkarteak ez diren kirol egitasmoak burutzeko 2.000 euro (4 eskaera onartu dira).

Hiru deialdi, berriz, hutsik geratu dira eskabiderik ez jasotzeagatik: etxebizitzan igogailua instalatzeko, desgaitasuna edota mendekotasuna duten adingabeen osasun egoera hobetzeko tratamenduetarako nahiz kirol egokituko jarduerak burutzeko dirulaguntzen deialdiak.