Proiektu honen helburua da Urola Kosta eskualdeko industriaguneen egoera aztertzea, bereziki urbanizazio gabeziak eta hobekuntza-aukerak identifikatuz. Horretarako, industrialdeetako sarbideak, segurtasuna eta irisgarritasuna neurtuko dira, besteak beste.

Erabiltzaileen ekarpenak eta iritziak bilduz, behar errealetara egokitutako irtenbideak proposatu nahi dira. Ekimenak aniztasuna hartuko du kontuan, gizartearen garapenerako oinarri gisa, eta emakumeak industrian mantentzea eta berriak erakartzea sustatuko du.

Industriaguneen egungo egoera hobetzeko sei ardatz estrategiko zehaztu dira: segurtasuna, trafikoa, irisgarritasuna, garraio publikoa, irudikapen sinbolikoa eta naturalizazioa. Azterketa sei industriagunetan egingo da: Igarategi-San Prudentzio (Getaria), Olaskoegia-Ubegun (Aia), Txori-Tonpe (Getaria), Estazioko poligonoa (Zumaia), Joxe Mari Korta Poligonoa (Zumaia) eta 'Xey' Poligonoa (Zumaia).