Uztaola Elkartea k, Elkolab, Leartiker eta Biziola kooperatiben laguntzarekin, zazpi produktu berri garatu ditu Zaldibiako Goizane eraikineko eraldaketa gunean. Helburua da lehen sektoreko ekoizleei beren produktuen dibertsifikazioan, bizitza luzatzean eta xahuketa murriztean laguntzea. Prozesu sanitario osoarekin saldu ahal izango diren produktuak dira, eta urriaren 7an izango dira dastagai Ordiziako azokan.
Berrikuntza horien artean daude marmelada, sagar eta kalabaza chutney-a, kalabaza purea, pistoa, tomate saltsa, sagar-dultzea eta sagar-konpota. Proiektu hau Gipuzkoako Foru Aldundia ren Elikadura Misioaren eta Goieki, Uggasa, Goimen eta Biziola k bideratutako Barnetik Elikatzen ekimenaren bidez finantzatu da, lehen sektorea indartzeko helburuarekin.
Biziola ko Intza Barandiaran ek azpimarratu du egungo elikadura sistema globalizatuaren aurrean lehen sektorea ahultzen ari dela, ekoizle gutxiago eta belaunaldi-errelebo falta nabarmena dagoelako. Klima-aldaketaren ondorioak eta ziurgabetasuna kontuan hartuta, «ezinbestekotzat» jo du «elikadura sistema sendoagoak eta jasangarriagoak eraikitzea».
Barandiaranen arabera, ekoizleek «beren lana duin eta ekonomikoki bideragarri egiteko baldintzak behar dituzte», eta kontsumitzaileen papera ere garrantzitsua da, «erosketekin erabakitzen baitugu zer ekoizpen eta zer merkatu mota sustatzen dugun».
Ekoizpena indartzeko, lehengaiak balioan jartzeko aukerak behar dira, batez ere tokiko ekoizle txikientzat. Eraldaketa prozesuak produktuaren bizitza luzatzen du, xahuketa murrizten lagun dezake eta balio erantsia ematen dio ekoizpenari. Gainera, elikadura-sistema tokikoa izateak gaitasun handiagoa ematen du etorkizuna erabakitzeko.
Instalazio eta ekipamendu espezializatuak behar direnez, inbertsio handia eskatzen dute eraldaketa-guneek. Horregatik, «eraldaketa-gune kolektiboak beharrezkoak dira», baliabideak partekatzeko, esperimentatzeko eta lankidetza berriak sortzeko espazio gisa.
Goierri n, Goizane eraikineko zentroaren bidez, eskualde mailako izaera duen baina Gipuzkoa osoko baserritarrei zuzendutako egitura kolektiboa sustatzen ari dira. Horrek tokiko elikadura sistema indartzen du eta ekoizleen lehengaien eraldaketa eta merkaturatzea sustatzen du.
Herritarrentzat ere onurak ditu zentroak: «Garaiko eta gertuko produktuak eskuratzeko aukerak handitzen dira, elikagaien ibilbidea laburtu daiteke eta gure inguruko ekoizpenari eusteko baldintzak sortzen laguntzen dugu», azaldu du Biziola k. Zaldibia bezalako landa udalerri batean kokatuta egoteak are garrantzitsuago bihurtzen du azpiegituraren balioa, «landa eremuko jarduera ekonomikoa eta soziala sustatzeko tresna baita».
Ekoizleek Uztaola ko bazkide izan eta elikagaien manipulaziorako ikastaroa egitea behar dute gunea erabiltzeko. Eraldaketa lerro berrietan parte hartzeko proposamenari «erantzuna oso ona» izan da, eta hurrengo helburua da erabilera zabaltzea eta gehiago eraldatzea.
“"Gerturatu eta ezagutu bertatik bertara egindako bidea eta lortutako aho-gozagarriak. Bertakoa jatea lehen sektoreari eustea da. Lehen sektoreari eustea, gure elikaduraren etorkizuna erabakitzea da."
