Idiazabalen jokatuko da aurten Euskal Herriko Mendi Duatloi zirkuituko (EHMDZ) txapelketa, azaroaren 14an. Bigarren urtez antolatuko dute proba hau herri gipuzkoarrean. Guztira bederatzi probek osatuko dute 2026ko egutegia, Asteasun hasi eta Adunan amaituko dena.
Antolatzaileek aurkeztu zuten ekitaldian, Gran Camping Zarautz kanpinean, azaldu zuten parte hartzea gora egiten ari dela. Horren harira, bi proba berri gehitu dira egutegira: Zarautzkoa, irailaren 26an, eta Bidania-Goiazkoa, azaroaren 21ean.
“"Sailkapenetan aurten ezingo da probarik alde batera utzi. Irabazleak 25 puntu izango ditu, bigarrenak 20, eta horrela hurrenez hurren. Hau da, proba batean kale eginda ere, besteetan parte hartuz gero, ez da lehen adinako alderik sortuko puntuetan."
Puntuazio sistema ere aldatu egin da leialtasuna eta egutegi osoa egitea sustatzeko helburuarekin. Gainera, iazko irabazleetako bi, Josu Urrestarazu (gizonezkoen banako mailan txapelduna) eta Maddi Olaetxea, izan ziren aurkezpenean.
EHMDZaren egutegia honakoa da: Irailak 19, Asteasu; irailak 26, Zarautz; urriak 3, Durango; urriak 17, Kanpezu; urriak 24, Aia; urriak 31, Ibarra; azaroak 14, Idiazabal (Euskal Herriko txapelketa); azaroak 21, Bidania-Goiatz; eta azaroak 28, Aduna.
