Ekimen honek Hondarribia ko ostalaritza establezimenduetako profesionalak gonbidatzen ditu parte hartzera. Lehiakide bakoitzak Erdi Aroan inspiratutako proposamen gastronomiko bakarra aurkeztu beharko du, bizpahiru mokadutan jateko modukoa.

Pintxoak Iberiar Penintsula n Erdi Aroan zeuden osagaiekin prestatu beharko dira. Garia, esnea, arrautzak, haragia, arraina, perretxikoak edo olioa bezalako produktuak erabili ahal izango dira. Ezin izango dira erabili Amerika aurkitu ondoren iritsitako osagaiak, hala nola patata, tomatea, artoa, piperra edo txokolatea. Epaimahaiak bereziki baloratuko du bertako produktua erabiltzea.

Bi sari banatuko dira: herri epaimahaiaren saria, 200 eurokoa, publikoaren boto gehien jasotzen dituen pintxoarentzat; eta Erdi Aroko Pintxo Onenaren Saria, 300 eurokoa, epaimahai profesional batek emanda. Azken honek Hondarribia ordezkatuko du Valencia de Alcantara n egingo den Erdi Aroko Pintxo Lehiaketan.

Parte hartzen duten establezimenduek maiatzaren 29tik ekainaren 7ra eskainiko dituzte euren sorkuntzak, Erdi Aroko Pintxoaren Astearen baitan. Herritarrek eta bisitariek proposamenak dastatu eta gustukoenaren alde bozkatu ahal izango dute. Irabazleak ekainaren 10etik aurrera jakinaraziko dira, Hondarribiko udaletxea n egingo den ekitaldi batean.