Saio hauen helburua da foru erakundearen jarduera herritarrengana hurbiltzea, eta horretarako, Gipuzkoako plazetara ateratzeko nahia adierazi du Diputatu Nagusiak. Horrela, udalerrien erronkak eta proiektuak ezagutu eta horiekiko lankidetza estutzea bilatzen da.
“"Helburua lurraldeko eta udalerriko proiektuak eta estrategiak ezagutzea eta partekatzea da, baita herritarren kezkak eta ekarpenak biltzea ere."
Lasarte-Oriako alkateak eskerrak eman dizkio Diputatuen Kontseiluari bisitagatik, eta adierazi du horrelako topaketek erakundeen arteko loturak indartzen dituztela eta herriko beharrak eta etorkizuneko proiektuak zuzenean helarazteko aukera ematen dutela. Lasarte-Oria herri dinamikoa dela azpimarratu du, eta Foru Aldundiaren babesa funtsezkoa dela erronketan aurrera egiteko.
“"Bisita honek erakundeen arteko loturak indartzen ditu eta gure beharrak eta etorkizuneko proiektuak zuzenean helarazteko aukera ematen digu."
Saioan zehar, Diputatu Nagusiak eta bere taldeak Lasarte-Oriako hainbat leku ezagutzeko aukera izan dute, bertako jardueren berri jasoz. Besteak beste, Ttakunenea elkartea bisitatu dute, non elkartearen sorrera, lan esparruak eta erronkak ezagutu ahal izan dituzten. Hizkuntzaren egoerari buruzko kezka partekatu dute elkarteko ordezkariekin.
