Ibilbideak 2.000 metroko desnibel positibo du eta tartean, besteak beste, Izazpi eta Irimo mendien gailurretatik igaroko dira parte hartzaileak. Irteera 07:00etan hasiko da Azpeitiko anbulatorioaren aurretik, eta autobusez joango dira antolatzaileak eta mendizaleak Beasainera.
Etapa honetan izena emateko epea zabalik dago jada, eta irailaren 17a izango da horretarako azken eguna. Parte hartu nahi dutenek Lagun Onaken kontu korrontean (Rural Kutxa: ES05 3008 0152 64 5416695822) diru sarrera egin beharko dute beren izen-abizenekin, eta ordainagiria lagunonak.ibilaldiak@gmail.com helbidera bidali.
Bazkideek 15 euro ordaindu beharko dute, eta bazkide ez direnek, berriz, 20 euro. Antolakuntzak eskatu du edozein argibide gehigarri helbide elektroniko berera bidaltzea.
