Kanpainaren barruan, Merkatu Txikia antolatu da eta bonu-kanpaina bat egin da ekainetik irailera bitartean. Gainera, kanpainarekin bat egin duten 12 negozio lokal aurkezteko bideoak prestatzen ari dira, sare sozialetan ikusgai izateko. Bideo laburretan, inguruko negozioei aurpegiak jarriko zaizkie, haien arduradun diren profesionalak eta eskaintzen duten produktuak hobeto ezagutuz. Bideo hauek Urkabustaizko Udalaren Facebook eta Instagram sare sozialetan argitaratzen hasi dira.
Kanpainak, tokiko negozioari balioa eman eta ikusgarritasun handiagoa ematea helburu duena, prestakuntza bat ere barne hartzen du profesional horientzat. Beren eduki propioak sortzera animatzeko, argazkiak zein bideo laburrak grabatu, editatu eta argitaratuz. Prestakuntza azaroaren 2tik 4ra gauzatu da, 9:30etik 13:00etara, eta tutoretza indibidualizatuak ere izango dituzte.
Arabako Foru Aldundiko Enplegu, Merkataritza, Turismo eta Foru Administrazioko Sailak merkataritza sustatzeko eta dinamizatzeko kanpaina zein prestakuntza-zatia diruz lagundu ditu. Proiektua Lan eta Jolas elkartearen eta Gorbeialdeko Kuadrillaren lankidetzarekin gauzatzen ari da.
