Agustin Otsoa Eribeko Landa presidenteak aitortu duenez, berdintasun politikak indartzeko eta berdintasun teknikarien lana egonkortzeko helburuak partekatzen dituzten arren, aurkeztutako hitzarmenak ez ditu behar bezala kontuan hartzen eskualdearen beharrak eta errealitatea. Horregatik, ezinezkoa zaie onartzea egungo egoeran. "Erakunde horien guztien arteko lankidetza berreskuratzeko prestutasuna errepikatu nahi dugu", gaineratu du.
Hitzarmenaren edukia ez dela aurretiaz kontrastatu udalekin ezta Batzarrekin ere adierazi du. "Aldundiak proposatutako baldintzak aldebakarrekoak dira eta ez dute kontuan hartzen Batzarraren berezitasunak, antolamendu ereduak eta beharrak", esan du.
Ez da, beraz, udal eta Batzarraren lana errazteko edo baliabideak optimizatzeko tresna bat, Aldundiaren kudeaketa errazten duen mekanismo bat baizik.
Gainera, proposatutako sistemak administrazioaren izapidetzea eta kudeaketa are gehiago zailtzen dituela uste du. "Batzarren eginkizunen artean ez dago udalen artean dirua banatzea, eta horrelako funtzioak esleitzeak erakunde bakoitzaren eskumenak urratzeko arriskua sortzen du", azpimarratu du.
Ekarpene ekonomikoa egokia dirudien arren, orain arteko dirulaguntzen muga ekonomiko berberak mantentzen dira, inolako onura gehigarririk gabe. "Ez da, beraz, udal eta Batzarraren lana errazteko edo baliabideak optimizatzeko tresna bat, Aldundiaren kudeaketa errazten duen mekanismo bat baizik", zehaztu du.
Hitzarmenaren dokumentazioa, gainera, "berandu eta osatugabe iritsi da eta bere izapidetzea konplikatua da, aurten ekintzak gauzatzeko denbora izugarri mugatuz", adierazi du.
Horregatik guztiarengatik, Gorbeialdeak proposamen bat egingo dio Aldundiari, benetako lankidetza prozesu bat lideratzeko Udalekin eta Batzarrekin, hitzarmenaren edukiak eta baldintzak berrikusteko helburuarekin, berdintasun arloko teknikariek eta eragileek lagunduta. "Berdintasun politikak sendoak eraiki nahi badira, ezinbestekoa da adostasuna, gardentasuna eta erakundeen arteko lankidetza bermatzea, lurraldearen errealitatea errespetatuz", esan du Gorbeialdeako presidenteak.
Bestalde, hondakin biodegradagarrien edukiontzien eta haien sarraila elektronikoen esleipena aurrera atera da asteartean eta aho batez, bi loteetan hobekuntza ekonomiko garrantzitsuekin. Batzarrak, beraz, hondakin solidoen bilketaren sistema hobetzen jarraitzen du.
Zentzu honetan, hondakinen bilketaren kudeaketa eredu desberdinei buruzko zirriborro bat bidali zaie Batzarreko batzarreei, ekarpenak egin ditzaten eta etorkizunean hartu beharko diren erabaki batzuk zehazten hasteko. PNVren batzar taldeak hausnarketa luze bat egin zuen gai honen alderdi garrantzitsuei buruz, eta gainerako talde politikoek partekatu egin zuten.
