Bileran, udal ordezkariek, tartean alkateak eta zinegotzi batek, herritarren proposamenak, kezkak eta iradokizunak jaso zituzten. Udalak komun publikoa jartzeko aztertutako aukerak aurkeztu zituen, bereziki oinezkoentzako pasabide luzetik gertu dagoen espazio batean kokatzearen abantailak azpimarratuz.
Hala ere, bizilagunek beren iritziak azaldu zituzten, eta horien artean Bizkaibus en geltokia lekuz aldatzea eta komuna bertan kokatzea nabarmendu zuten, erabiltzaileentzat irisgarritasuna eta erosotasuna hobetuko lituzkeelakoan. Udalak iradokizun hori aztertzeko konpromisoa hartu zuen, baina kokapen horrek sor lezakeen "puntu beltza" aztertzearen garrantzia azpimarratu zuen azken erabakia hartu aurretik.
“"Udalaren eta herritarren arteko elkarlana funtsezkoa da aurrera egiteko. Bizilagunen proposamenak eta kezkak entzutea funtsezkoa da haien beharrei benetan erantzungo dieten erabakiak hartzeko."
Komun publikoaren kokapenaren inguruko eztabaida zabala eta erabaki informatu eta adostu bat hartzeko helburuarekin, Udal Gobernuak datozen egunetan hainbat elkarte gonbidatuko ditu, hala nola Bizidun Adinekoen Elkartea, Durango Lagunkoia eta Emakume Feministen Elkarteak, proposamen desberdinak elkarrekin aztertzeko. Azken proposamena, berriz, inguruko auzotar guztiei irekitako bilera batean aurkeztuko da.
Bileran, auzoarentzat garrantzitsuak diren beste gai batzuk ere eztabaidatu ziren, hala nola aurrekontu parte-hartzaileak eta Muruetatorre ko bidegorria luzatzeko proposamena. Udalak proposamen hori landuko du eta hurrengo bileran aurkeztuko du, ebaluatzeko. Alkateak herritarren parte-hartze aktiboa eskertu zuen, lankidetza-gune horiek Durango hobea eraikitzen jarraitzeko duten garrantzia azpimarratuz.
